Er búið að gera of mikið fyrir fólk????

Í hvaða landi skyldi ríkisstjórn Íslands búa? Eftirfarandi er haft eftir velferðarráðherranum í Mbl. í dag: "„Það sem þeir eru að segja er að það sé þegar búið að gera of mikið fyrir fólk eða að því hafi verið gefnar of miklar væntingar, en það finnst mér afar jákvæð umsögn."

Þarna er hann að vitna í umsögn forstjóra FME sem hefur áhyggjur af því að skuldsettu fólki hafi verið gefnar of miklar væntingar um leiðréttingar á stökkbreyttum lánum sem hafa valdið almenningi ómældum vandræðum undanfarin fjögur ár. Fólkið er í vandræðum og vonast eftir lagfæringum sem líklega verða ekki því allt of mikið var gert úr áhrifum af dómi hæstaréttar um vaxtaleiðréttinguna. Látið var að því liggja að allir sem skulda þessi stökkbreyttu lán, sem upphaflega voru með gengisviðmiðun, væru að fá stórfellda niðurfellingu af núverandi höfuðstól þeirra. Fólkið bíður og vonar en ólíklegt er að vonirnar rætist eins og forstjórinn bendir á.

Þetta kallar ráðherrann að búið sé að gera of mikið fyrir fólk í þessu landi og að þessi ummæli séu afskaplega jákvæð fyrir ríkisstjórnina. Annað hvort þarf ég að fá nýja þýðingu á ummælum forstjóra FME eða á ummælum ráðherrans sem mér finnst vera algjörlega út úr kú.

Athugasemdir

[DoctorE (IP-tala skráð) 21.8.2012 kl. 10:09]

Gott hjá honum, nú vitið þið að forðast ber að kjósa lista þar sem hann er í boði. Hmm smá erfitt þar sem 4flokkurinn er krabbamein íslands: Kjósum ný framboð, ekki kjósa 4flokkinn, aðeins fávitar kjósa 4flokk.
Takk og peace